“Маршрут шчаслівага дзяцінства накіраваны ў Старае сяло”
У рамках правядзення раённай акцыі “Маршрут пабудаваны: Рагачоўшчына – куток майго шчаслівага дзяцінства” 31 кастрычніка мы, вучні Старасельскага ясляў-сада – сярэдняй школы Рагачоўскага раёна, атрымалі заданне ад сяброў з Кісцянёўскай базавай школы. Прэзентацыя і цікавыя пытанні да яе дапамаглі нам узгадаць прыгожыя і памятныя куточкі Рагачоўшчыны.
Заданні былі не складаныя, але на адным са здымкаў было не знаёмае для нас месца. Мы даведаліся, што гэта старажытны парк, які знаходзіцца ў аграгарадку Кісцяні. Адназначна вырашылі вясной пабываць у гэтым прыгожым месцы.
14 лістапада прыйшоў час перадачы эстафеты Станькаўскай базавай школе. Для нашых суседзяў мы падрыхтавалі відэападарожжа пра гісторыю нашай вёскі і заданні ў выглядзе гульні “Дзе логіка?”.
Спадзяёмся, што звесткі і заданні звязаныя з дзяцінствам нашага земляка – пісьменніка Міхася Лынькова зацікавяць нашых сяброў.
Шчыры дзякуй арганізатарам Акцыі, якая дапамагае нам пазнаваць нязведанныя куточкі роднага краю.
Вучні Старасельскага ясляў-сада – сярэдняй школы Рагачоўскага раёна
